Нұр-Сұлтанда қоғамдық көлік қозғалысы бір күнге тоқтайды

18 сәуірде Нұр-Сұлтанда қоғамдық көлік қозғалысы тоқтатылады, - деп хабарлайды Tengrinews.kz тілшісі City Transportation Systems-ке сілтеме жасап.

"18 сәуір, жексенбіде Нұр-Сұлтан қаласының бас мемлекеттік санитария дәрігерінің қаулысына сәйкес елордада қалалық және қала маңындағы қоғамдық көлік қозғалысы бір күнге тоқтатылады. Дезинфекция жұмыстары жүргізіледі", - деді компания өкілдері.

Компания өкілдері автобустарда маска тағу режимін сақтауды ескертті. Қоғамдық көлікке бетпердесіз кіруге тыйым салынған. Сондай-ақ, жол ақысы тек онлайн қабылданады.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!