Нұр-Сұлтанда коронавирустан қанша адам қайтыс болды?

Нұр-Сұлтан әкімі Алтай Көлгінов үкімет отырысында астанада коронавирустан 225 адам қайтыс болғанын айтты, - деп хабарлайды Tengrinews.kz тілшісі.

"Өкінішке қарай, 225 адам қайтыс болды. 1511 адам стационарда ем қабылдап жатыр. Жағдайы ауыр науқастардың саны 54,3 пайызға - 199 адамнан 108 адамға азайды", - деді Көлгінов. 

Алайда coronavirus2020.kz сайтында астанада коронавирустан 195 адам қайтыс болғаны туралы ғана ақпарат бар.  

Көлгіновтің сөзінше, Нұр-Сұлтанда жалпы 10 320 адам коронавирус жұқтырса, 7260 адам немесе 70 пайызы аурудан айыққан. 

Қазақстан жаңалықтары. Соңғы жаңалықтар. Telegram желісінде бізге жазыл!