Нұр-Сұлтанда түнде жолда жүрген бұқа видеоға түсірілді

Нұр-Сұлтан тұрғындары көшеде жүгіріп жүрген бұқаны видеоға түсіріп алды, - деп хабарлайды Tengrinews.kz тілшісі.

Қалалық полиция департаментінің мәліметінше, куәгерлер жолда бұқа жүргенін 18 шілдеде түнгі сағат 03.20-да хабарлаған. 

"Полиция қызметкерлері жол қозғалысына кедергі келтіріп, апатты жағдай туғызған жануарды жолдан айдап шықты. Полицейлер бұқаны Иманов көшесіндегі үйдің ауласына байлап қойды", - деді полиция өкілдері. 

Полицейлер бұқаны 29 жастағы ер адам Құрбан айтқа әкелгенін, бірақ жануар қашып кеткенін хабарлады. Ер адамға әкімшілік хаттама толтырылды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!