Нұр-Сұлтанда түнгі клуб әкімшісі карантин режимін бұзғаны үшін екінші рет қамауға алынды

Астанадағы "Алания" түнгі клубының әкімшісі бірнеше рет карантин режимін бұзғаны үшін екі күнге қамауға алынды, - деп хабарлайды Polisia.kz. 

"Мобильді топ "Алания" түнгі клубында карантин режимі бұзылғанын анықтады. Бүгін түнде сағат 00:00-де нысанда адамдар демалып отырған.  

Нұр-Сұлтан қаласының Мамандандырылған ауданаралық әкімшілік сотының шешімімен 25 жастағы түнгі клуб әкімшісі Әкімшілік құқық бұзушылық туралы кодекстің 667-бабы, 2-бөлігі бойынша екі тәулікке қамауға алынды", - дейді полиция өкілдері.

Айта кетейік, қыркүйекте клубтың 25 жастағы әкімшісі бір күнге қамауға алынған болатын. 

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!