+7 (777) 001 44 99
Қазақша
Русский
English
21 сәуір 2022 | 11:49
Нұр-Сұлтанда ҰОС ардагерлеріне миллион теңгеден беріледі
Нұр-Сұлтан қаласында 18 Ұлы Отан соғысының ардагері тұрады. Жеңіс күніне орай оларға бір миллион теңгеден беріледі. Бұл туралы елорда әкімдігінің баспасөз қызметі хабарлады, - деп хабарлайды Tengrinews.kz тілшісі.
ПОДЕЛИТЬСЯ
Нұр-Сұлтан қаласында 18 Ұлы Отан соғысының ардагері тұрады. Жеңіс күніне орай оларға бір миллион теңгеден беріледі. Бұл туралы елорда әкімдігінің баспасөз қызметі хабарлады, - деп хабарлайды Tengrinews.kz тілшісі.
"Бүгінде елордада 18 ардагер тұрады, олардың ең үлкені - 102 жаста, ең кішісі - 96 жаста. 9 мамырда Жеңіс күніне орай олар 1 миллион теңге (1 013 060 теңге) мөлшерінде біржолғы төлем алады.
Жеңілдіктер бойынша Екінші дүниежүзілік соғыстың ардагерлеріне теңестірілгендер, ЧАЭС қатысушылары мен мүгедектерінен басқалары 111 300 теңгеден алады. Барлығы 410 адам, оның ішінде - Екінші дүниежүзілік соғыс кезінде қызмет еткен әскери қызметшілер, фашистік Германияға қарсы ұрыс қимылдарына қатысқан адамдар, Ленинградта блокада кезеңінде жұмыс істеген азаматтар, концлагерьлердің кәмелетке толмаған тұтқындары, жаралануы салдарынан мүгедек болған әскери қызметшілер", - делінген хабарламада.
Басқа мемлекеттер аумағындағы ұрыс қимылдарының ардагерлері (Ауғанстандағы ұрыс қимылдарының ардагерлерінен басқа) - Тәжік-Ауған учаскесінде міндеттерді орындаған, Ирактағы халықаралық бітімгерлік операцияға қатысқан, Таулы Қарабақтағы этносаралық қақтығысты реттеуге қатысқан әскери қызметшілерге - 63 600 теңге мөлшерінде төлемдер көзделген. Елордада осы тізімге жататын 810 адам бар.
Тыл еңбеккерлері (1946 адам), қаза тапқан әскери қызметшілердің отбасылары, ҰОС қайтыс болған мүгедегінің жұбайы (зайыбы), ЧАЭС қатысушылары қатарындағы оқшаулау аймағынан эвакуацияланған (өз еркімен кеткен) адамдар 9 мамырға дейін 34 980 теңгеден алады. Барлығы - 2 686 адам.
"Сонымен қатар, жергілікті бюджетте Екінші дүниежүзілік соғыс ардагерлеріне тегін қызмет көрсету және ақшалай төлем түрінде әлеуметтік көмек көрсету қарастырылған:
- коммуналдық қызметтер үшін ақшалай өтемақы, ол пәтер алаңына байланысты ай сайын 5-тен 8 АЕК-ке дейін бөлінеді;
- дәрі-дәрмекпен қамтамасыз ету;
- мерзімді басылымдарға жазылуға, моншаларға, шаштараздарға баруға әлеуметтік көмек (жыл басында жеке шоттарға 6,5 АЕК аударылады);
- санаторлық-курорттық емдеу қызметтері;
- қалалық жолаушылар көлігінде жеңілдікпен жүру;
- тіс протездеу қызметтері", - деп толықтырды әкімдік.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
