Нұр-Сұлтандағы жаңа мешітте өрт шықты деген ақпарат расталмады

Нұр-Сұлтандағы жаңа мешітте өрт шыққаны туралы қауесет қазақстандықтарды дүрліктірді. Алайда Төтенше жағдайлар министрлігі мәліметінше, мешіт аумағында ешқандай өрт болған жоқ, - деп хабарлайды Tengrinews.kz тілшісі.

Редакцияға Нұр-Сұлтанда салынып жатқан мешіт құрылысынан қою түтін шығып жатқаны туралы хабарлама түсті. Тілші айтылған орынға барғанда, ештеңе байқалмаған. Мешіт ғимаратында өрт шықаны туралы ақпарат расталмады.

Қазақстан ТЖМ ресми өкілі Талғат Уәли мешіттегі өрт туралы ақпаратты жоққа шығарды.

"Өрт туралы ақпарат 101 пультіне түскен жоқ. Мен өзім көз жеткізу үшін бұл аймаққа келдім. Көріп отырғандарыңыздай, құрылыс жұмыстары жүріп жатыр және ешқандай өрт жоқ. Ресми түрде мәлімдейміз", - деді Талғат Уәли.

Сілтемесіз жаңалық оқисыз ба? Онда Telegram желісінде парақшамызға тіркеліңіз!