+7 (777) 001 44 99
Қазақша
Русский
English
31 тамыз 2022 | 12:10
Нұр-Сұлтандағы көпірді жөндеу жұмыстары қашан аяқталатыны белгілі болды
Нұр-Сұлтандағы Сарайшық даңғылының бойындағы көпірдегі ақауға байланысты жөндеу жұмыстары қыркүйектің аяғына дейін жалғасады. Бұл туралы қалалық әкімдік мәлімдеді, - деп хабарлайды Tengrinews.kz тілшісі.
ПОДЕЛИТЬСЯ
Нұр-Сұлтандағы Сарайшық даңғылының бойындағы көпірдегі ақауға байланысты жөндеу жұмыстары қыркүйектің аяғына дейін жалғасады. Бұл туралы қалалық әкімдік мәлімдеді, - деп хабарлайды Tengrinews.kz тілшісі.
Әкімдік мәліметінше, көпірге соңғы 12 жыл бұрын жөндеу жұмыстары жүргізілген. Көлік қозғалысының көп болуынан шұңқырлар мен ойықтар пайда болған.
"Жол қауіпсіздігін қамтамасыз ету мақсатында биыл тамызда Мәңгілік Ел даңғылы - Сарайшық көшесінің қиылысынан Қошқарбаев даңғылына дейінгі учаскедегі көпірді орташа жөндеу жұмыстары басталды.
Алайда, асфальтбетон жабындысын фрезерлеу және деформацияланған қабатты бөлшектеу жұмыстары жүргізілгеннен кейін қабаттасатын темірбетон плитасының бетонының шайылуы белгілері бар учаскелер анықталды", - делінген хабарламада.
Қазір ақаулар анықталған жерлерге бетон қоспасын төсеу арқылы бетонды бөлшектеу жұмыстары жүргізіліп жатқаны атап өтілді.
"Осыған байланысты көпірді жөндеу жұмыстары биылғы қыркүйектің соңына дейін ұзартылады. Айта кетейік, көпірде екі бағыттағы көлік қозғалысы сақталған (бірақ демалыс күндері 2 қыркүйек кешінен 5 қыркүйекке дейін көлік қозғалысы толығымен жабылады) Елорда тұрғындары мен қонақтарына қала жолдарында кептелістерді болдырмау үшін өз бағыттарын алдын ала жоспарлауды ұсынамыз", - деп қосты қала әкімдігі.
Әкімдіктің мәліметінше, соңғы екі жылда 300-ден аса көше жөнделген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
