Нұрлан Нығматулин жүрегіне ота жасатқаннан кейін қызметке оралды

Мәжіліс төрағасы Нұрлан Нығматулин ота жасатқаннан кейін қызметке оралды, - деп хабарлайды Tengrinews.kz тілшісі.

Нұрлан Нығматулин бүгін төменгі палатаның жалпы отырысына қатысып жатыр. Депутаттар Парламент палатасының төрағасын қол соғып қарсы алды. Осыған дейін отырыстар Мәжіліс вице-спикерлерінің төрағалығымен өткен еді.

Еске сала кетейік, мұның алдында Нұрлан Нығматулиннің жүрегіне ота жасалғаны хабарланған болатын. 

"Шынымен, үш апта бұрын Республикалық кардиологиялық орталықта Нұрлан Зайроллаұлының жүрегіне операция жасалды. Сәтті өтті, қазір ол белсенді түрде сауығу процесінен өтіп жатыр", - деген еді Мәжілістің баспасөз қызметінің өкілдері.