Нұрсұлтан есімді тұрғындары ең көп өңір аталды

Нұрсұлтан есімі ең көп өңір - ОҚО. Облыс 1991-2016 жыл арасында осында дүниеге келген немесе көшіп келгендердің саны бойынша көш бастап тұр, - деп хабарлайды Otyrar.kz.

Қазақстанның оңтүстігінде 10 265 Нұрсұлтан тұрады екен. Солтүстік Қазақстан облысында Тәуелсіздік жылдарында 483 қана Нұрсұлтан дүниеге келген немесе көшіп келген. 

ОҚО-дан кейін екінші орында Алматы облысы тұр - 4585. Жамбыл облысы мен Қызылорда облысында 3970 және 3081. Астанада Қазақстан Президенті Нұрсұлтан Назарбаевпен қатар 2528 Нұрсұлтан бар. Президентке бұл есімді әжесі қойған.