Нұрсұлтан Назарбаев Мұхтар Құл-Мұхаммедті қабылдады

17 Сәуір 2017, 18:45
0
Нұрсұлтан Назарбаев Мұхтар Құл-Мұхаммедті қабылдады - © akorda.kz
© akorda.kz

Мемлекет басшысы Нұрсұлтан Назарбаев "Нұр Отан" партиясы төрағасының бірінші орынбасары Мұхтар Құл-Мұхаммедті қабылдады, - деп хабарлайды Тengrinews.kz тілшісі Ақордаға сілтеме жасап. 

Мемлекет басшысы кездесуде партияның 2016 жылғы қызметінің қорытындылары жөніндегі есепті тыңдап, алдағы кезеңге арналған жұмыс жоспарларымен танысты.

Нұрсұлтан Назарбаевқа жалпыұлттық күн тәртібіндегі маңызды аспектілерді іске асыру шаралары, сондай-ақ ел дамуының басты бағыттары жөнінде жұртшылықты хабардар ету мәселелері туралы баяндалды.

Мұхтар Құл-Мұхаммедтің мәліметі бойынша, 2015 жылмен салыстырғанда партия құрылымдарына арыз-шағыммен жүгінген азаматтар саны 30 пайызға артқан. 2016 жылы 283 мыңнан астам өтініш келіп түскен, қазір оның 92 пайызы оң шешімін тапты.

Сондай-ақ, Елбасыға партия өкілдерінің өңірлердегі жұртшылықпен кездесулерінің қорытындылары және күнделікті қызмет барысында қолданылатын партия жұмысының жаңа форматы жөнінде мәлімет берілді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай