Нұрсұлтан Назарбаев Мұхтар Алтынбаевты 70 жылдық мерейтойымен құттықтады

Қазақстан Республикасының Президенті Нұрсұлтан Назарбаев Парламент Сенатының депутаты, Халықаралық қатынастар, қорғаныс және қауіпсіздік жөніндегі комитетінің мүшесі Мұхтар Алтынбаевты қабылдады, - деп хабарлайды Tengrinews.kz тілшісі Ақордаға сілтеме жасап.

Кездесу барысында Бес институционалдық реформаны жүзеге асыру аясындағы заң шығару қызметі талқыланды.

Сонымен қатар, Мемлекет басшысы Алтынбаевты 70 жылдық мерейтойымен құттықтады және Тәуелсіздік күні қарсаңында І дәрежелі "Барыс" орденімен марапаттады.