+7 (777) 001 44 99
Қазақша
Русский
English
05 мамыр 2023 | 09:02
НЗМ басшысы емтихан материалдары сатылатыны туралы қауесетке жауап берді
"Назарбаев Зияткерлік мектептері" басқармасының төрағасы Әнуар Жанғозин емтихан материалдарын сату туралы қауесетке жауап берді, - деп хабарлайды Tengrinews.kz тілшісі.
ПОДЕЛИТЬСЯ
"Назарбаев Зияткерлік мектептері" басқармасының төрағасы Әнуар Жанғозин емтихан материалдарын сату туралы қауесетке жауап берді, - деп хабарлайды Tengrinews.kz тілшісі.
Әлеуметтік желілер мен мессенджерлерде "Назарбаев Зияткерлік мектептерінің" түлектері тапсыратын емтихан материалдары сатылатыны туралы ақпарат тарады.
Жанғозиннің айтуынша, бұл ақпарат шындыққа жанаспайды.
"Біздің мектептерде оқушыларды бағалау рәсімдерін жүргізуге арналған кез келген емтихан материалдары халықаралық стандарттарға сәйкес әзірленеді. Оларды әзірлеу кезінде құпиялылық пен қауіпсіздік шаралары сақталады, бұл материалдың сыртқа шығып кетуін болдырмайды. Осыған байланысты "Назарбаев Зияткерлік мектептері" ДББҰ арандатушылыққа берілмеуге шақырады. Біз шәкірттерімізді оқытуда адалдық пен ашықтықтың қатаң принциптерін ұстанамыз және алаяқтықтың кез келген түрін, соның ішінде емтихан материалдарын сатуды мүлдем құптамаймыз. Сондай-ақ, мұндай іс-әрекеттер біздің ережелерімізді өрескел бұзу ретінде қарастырылатынын және дереу жұмыстан шығаруға және кейіннен заңнамалық тұрғыда жауапкершілікке тартуға әкелуі мүмкін екенін атап өткім келеді", - деді НЗМ басшысы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
