Өңірлік стационарлардағы жағдай көрсетілді

Павлодар облысының медицина қызметкерлері стационарлардағы жағдайды көрсетті, - деп хабарлайды "Астана" телеарнасы. 

Валентина Карпец модульдік жұқпалы аурулар ауруханасына ауыр жағдайда түскен. Телеарна мәліметінше, ол Шарбақты ауданынан келген. 

"Мен вакцина салдырмағаныма өкіне бастаған едім. Бұл басқа ауру шығар деп ойладым. Кішкене уақыт өткеннен кейін міндетті түрде салдырамын", - дейді тұрғын.  

Вакцина салдырғаннан кейін де вирус жұқтыру деректері тіркелген. Ауруханаға түскендердің 12-сі вакцинаның бірінші дозасын, тағы бір науқас екі дозасын да салдырған. Медицина қызметкерлерінің сөзінше, оның бірде-бірі жансақтау бөліміне түспеген. 

"Тексеріс кезінде байқағанымыз ауруханаға түсетіндер ауруды жеңіл өткереді. Бүгінде модульдік ауруханаға қосалқы аурулары бар, жағдайы ауыр және орташа ауыр науқастар түсіп жатыр", - дейді Павлодар облысы денсаулық сақтау басқармасының басшысы Айдар Сейітқазинов.  

Сілтемесіз жаңалық оқисыз ба? Онда Telegram желісінде парақшамызға тіркеліңіз!