Оңтүстік облыстардағы өзендерде су тасуы мүмкін

Таяу тәулікте, 22 маусымда болжамдалған қатты жаңбырға байланысты Алматы, Жамбыл жəне Оңтүстік Қазақстан облыстарының жекелеген өзендерінде су тасқыны мен су тасуы болуы ықтимал, - деп хабарлайды Tengrinews.kz тілшісі Алматы қаласы ТЖД баспасөз қызметінің өкілдеріне сілтеме жасап. 

Еске салайық, 17 маусымда толассыз жауған жаңбырдың салдарынан Алматыдағы көшелер су астында қалған еді. Оқырмандар Tengrinews.kz редакциясына мегаполистің қозғалысы көп көшелеріндегі су басып қалған аумақтардың суреттері мен видеоларын жолдады. Әл-Фараби, Абай және Достық даңғылдарындағы көліктердің су астында қалғаны хабарланды. Осыған байланысты қаланың кейбір бөлігінде кептелістер пайда болды.