Оңтүстік Қазақстанда 24 жастағы жігітті зорлады деген үш ағайындының ісі қаралып жатыр

Түркістан облысының Келес аудандық сотында дамуында ауытқуы бар 24 жастағы жігітті зорлау ісі соңына таяды, - деп хабарлайды Tengrinews.kz тілшісі.

Оқиға қалай болған?

Оқиға туралы 2025 жылдың наурызында "НеМолчи.kz" қорының жазбасынан белгілі болды. Ұйымның деректеріне сүйенсек, даму деңгейі 4 жастағы баланың деңгейіне сәйкес 24 жастағы жігіт жылдар бойы туысқан ағайындылары мен көршілерінің зорлық-зомбылығына ұшыраған.

Жәбірленушінің анасы қылмыстарға алты адамның, оның ішінде кәмелетке толмағандардың да қатысы бар екенін айтқан. Алайда айыпталушылар орындығында жігіттің тек үш кәмелетке толған туысқан ағалары отыр.

Оларға қандай айып тағылған?

Іс жабық режимде өтіп жатыр. Екі айыпталушы бірнеше рет жасалған топтық зорлау бойынша (ҚК-нің 121-бабы 2-бөлігі 1 және 4-тармақтары) айыпталып отыр.
Үшіншісіне – топтық зорлау және ұрлық бойынша (ҚК-нің 121-бабы 2-бөлігі 1-тармақ; ҚК-нің 188-бабы) айып тағылған.

Прокуратура ұстанымы

30 қыркүйекте сотта тараптардың жарыссөздері өтті. Жәбірленушінің адвокаты Гулайхан Турсуманованың Tengrinews.kz тілшісіне берген мәліметі бойынша, прокурор үш айыпталушыға 9 жыл бас бостандығынан айыру жазасын сұраған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!