+7 (777) 001 44 99
Қазақша
Русский
English
06 қазан 2022 | 08:32
Оралда 10-сынып оқушысы сабақ үстінде қайтыс болды
Оралда мектеп оқушысы физика сабағында қайтыс болды, - деп хабарлайды Tengrinews.kz тілшісі.
ПОДЕЛИТЬСЯ
Оралда мектеп оқушысы физика сабағында қайтыс болды, - деп хабарлайды Tengrinews.kz тілшісі.
Мұғалімдердің айтуынша, 15 жастағы Даниял сабақ басталар алдында дәлізде сыныптастарымен әдеттегідей жүрген, сөйлескен. Қоңырау соғылып, балалар өз партасына отыра бастағанда ол есінен танып қалған.
"Жедел жәрдем мен дәрігерлерді шақырдық. Ата-анасына телефон соғып, балаға қандай дәрі беру керек екенін сұрадық. Анасы келетінін айтты", - дейді №10 орта мектептің мұғалімі Нұргүл Таңатарова.
Жедел жәрдем тез жеткенімен жасөспірімді аман алып қалу мүмкін болмады. Мұғалімдер оның үлгілі оқушы болғанын айтады. Оныншы сынып оқушысының денсаулығы туралы ұстаздары білмеген. Негізі, сараптама тағайындалды.
"Бала прогрессивті сал ауруымен есепте тұрған. Ата-анасы жазда дәрігерлерге барып, Даниял емделген болатын. Біз оған алғашқы көмек көрсеттік, жасанды тыныс алдырдық. Бірақ құтқара алмадық", - дейді мектеп дәрігері Нұргүл Байғанатова.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
