Оралда базарлар мен қоғамдық көлік жұмысы шектелді

Оралда қосымша шектеу шаралары енгізілді, - деп хабарлайды Tengrinews.kz тілшісі.

Тиісті қаулыға өңірдің бас санитар дәрігері қол қойды. Құжаттағы мәтінге сәйкес, Оралда:

1. 65 жастан асқан адамдарға аса қажеттіліксіз көшеге шығу шектеледі;
2. Жексенбі күндері ауыл шаруашылығы азық-түлік жәрмеңкелерін өткізуге тыйым салынады;
3. Жексенбі күндері қоғамдық көліктің жұмысы тоқтатылады.

Орал әкімі мен қала полиция басқармасына бірқатар базарды жабу тапсырылды. Еске салайық, бұған дейін 16 қазанда БҚО-да шектеу шаралары күшейтілген болатын. Жаңа қаулы бүгіннен бастап күшіне енеді.

Қазақстан жаңалықтары. Соңғы жаңалықтар. Telegram желісінде бізге жазыл!