+7 (777) 001 44 99
Қазақша
Русский
English
18 қараша 2021 | 13:37
Оралда жарылғыш зат қойылды деген ұшаққа қатысты істің мән-жайы айтылды
Батыс Қазақстан облысының полицейлері Франкфурт - Орал рейсінің жолаушыларын тексеруге қатысты өз нұсқасын айтты, - деп хабарлайды Tengrinews.kz тілшісі.
ПОДЕЛИТЬСЯ
Батыс Қазақстан облысының полицейлері Франкфурт - Орал рейсінің жолаушыларын тексеруге қатысты өз нұсқасын айтты, - деп хабарлайды Tengrinews.kz тілшісі.
Бұдан бұрын Орал әуежайында полицейлер ұшақ бортында бомба қойылғаны туралы айтылғаннан кейін рейстің жолаушыларын тексергені хабарланған болатын.
Полицияның мәліметінше, 17 қараша күні сағат 22.00-де "Ақ Жол" әуежайының аумағында жоспардан тыс терроризмге қарсы жедел-тактикалық оқу-жаттығу жиыны өткізілген.
"Осыған байланысты әуежай аумағында арнайы, құқық қорғау органдарының, сондай-ақ басқа да мүдделі мемлекеттік органдардың қызметкерлері террористік қауіп кезінде әрекет ету алгоритмін пысықтады. Мемлекеттік органдар іс-қимыл алгоритмін пысықтау кезінде Франкфурт - Орал рейсімен келген ұшақтың 8 адамнан тұратын экипажы мен 63 жолаушысын эвакуациялады", - деп хабарлады облыс полициясынан.
Айта кетейік, бұған дейін көліктегі полиция департаменті олардың қызметкерлері "терроризм актісі туралы жалған хабарлау" туралы қылмыстық іс тіркелгенін хабарлаған болатын. Көліктегі полицияның мәліметінше, бұл хабар жолаушыларды тексеруге себеп болған.
БҚО ПД көліктегі полиция өз құзыретінде әрекет еткенін және олардың істі тіркеуге құқығы бар екенін айтты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
