+7 (777) 001 44 99
Қазақша
Русский
English
12 желтоқсан 2022 | 19:55
Оралда "Мерейлі отбасы" республикалық байқауы өтті
Бейсенбі күні оралдықтар "Мерейлі отбасы - 2022" республикалық байқауының облыстық кезеңіне қатысқан жерлестерімізді құттықтады.
ПОДЕЛИТЬСЯ
Бейсенбі күні оралдықтар "Мерейлі отбасы - 2022" республикалық байқауының облыстық кезеңіне қатысқан жерлестерімізді құттықтады.
Салтанатты жиынға барлығы 19 үлгілі отбасы жиналды. Мейрамхана залында әр отбасына бөлек дастарқан жайылып, мерекелік атмосфера орнаған. Еркін сипатта өткен іс-шарада сөз алған облыс әкімінің орынбасары Бақытжан Нарымбетов "Мерейлі отбасы" сынды байқаулардың отбасылық құндылықтарды арттырып, ұлттық салт-дәстүрді дәріптеуде айтарлықтай маңызы бар екендігін атап өтті.
"Жыл сайын байқауға қатысатын отбасылардың саны артып келеді. Биылдың өзінде 130-дан астам отбасы бақ сынады. Облыстық кезеңнің үздіктерін құттықтай отырып, мазмұнды іс-шараларды ұйымдастыруға үлес қосқан бірқатар үкіметтік емес ұйымдарға ризашылығымды білдіремін", – деген Бақытжан Хаберұлы әр шаңыраққа, амандық, табыс тіледі.
"Мерейлі отбасы" байқауының облыстық кезеңінде үшінші орынға ие болған сырымдық Шүйінішқалиевтер отбасыға - 750 000 теңге, екінші орын алған жаңақалалық Сахметовтер жанұясына - 1 000 000 теңге, бірінші орын бұйырған казталовтық Халықовтар әулетіне 1 500 000 теңге қаржылай сыйақы табыс етілді.
Айта кетсек, жеңімпаз отбасының отағасы, 72 жастағы ақсақал Меңдіхан Халықұлы - педагогика саласының ардагері, Қошанкөл ауылдық ардагерлер кеңесінің төрағасы. Ол - зайыбы Тойған Шотқызымен бірге 5 бала тәрбиелеп өсіріп, 12 немере сүйіп отырған елге сыйлы қария.
Байқаудың облыстық кезеңіне қатысқан барлық отбасыға алғысхаттар мен арнайы сыйлықтар табысталды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Материал БҚО-ның әкімдігімен ұсынылған
Показать комментарии
Читайте также
