Оралдағы жарылыс: тұрғындарға келтірілген шығынды кәсіпкер өтейді

Оралда жарылыс пен өрттен үш адам қаза тапқан дәмхана орнында апаттан құтқару жұмысы аяқталды. Қираған ғимарат толығымен аршылды, - деп хабарлайды Tengrinews.kz тілшісі "Қазақстан" телеарнасына сілтеме жасап.

Қайғылы оқиғада қаза тапқандар мен зардап шеккендердің дені - өрімдей жастар. Қазір тергеушілер адам өлімі мен жарылыстың себебін анықтап жатыр.

Тұрғындар мен сол маңдағы кәсіп иелеріне келтірілген шығынды мердігер өтейтін болды.

Еске салайық, бүгін түнде екі қабатты дәмхана ғимаратында алдын ала мәлімет бойынша газ-ауа қоспасының жарылуы салдарынан ғимарат құлап, кейін өртенген болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!