Өскеменде шошқа фермасы 20 жыл бойы құжатсыз жұмыс істеген

Өскеменде шошқа фермасы 20 жыл бойы құжатсыз жұмыс істеген, - деп хабарлайды Tengrinews.kz тілшісі "Астана" телеарнасына сілтеме жасап.

Телеарна мәліметінше, бұған дейін бірнеше елді мекен тұрғындары шаруашылықтың қызметіне, экологиялық залалына шағымданған. Тұрғындар қораптардағы қалдық сұйықтық ауызсуға түсіп, қалдықтардың заң бұзушылықпен сақталып жатқанын айтқан. Экологиялық аудит те бұл деректерді растаған.

Оның үстіне, 20 жылдан бері шаруашылық бірде-бір экологиялық сараптамадан өтпеген. Бұйрық бойынша кәсіпкер барлық заң бұзушылықтарды жойып, тұрғындарды хабардар етуі тиіс. Бірақ бұл орындалмаған. Осылай іс сотқа дейін жеткен.

Сот тұрғындар шағымын ескеріп, департаменттің дәлелдерін қолдап шешім шығарған. Сот шешімі күшіне енгенде, кәсіпорынның қызметі бірден тоқтатылады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!