Өскемендегі ЖЭО-да қазандықтан ақау шықты

Өскемендегі жылу электр орталығында жабдық істен шықты, - деп хабарлайды Tengrinews.kz тілшісі "Хабар 24" Telegram-арнасына сілтеме жасап.

Шығыс Қазақстанда кейінгі бірнеше күнде аяз күшейді. Өскеменнің ЖЭО-сы аязға шыдамайды.

Бір күн бұрын датчиктерден шыққан ақауға байланысты №15 қазандық сөніп қалды. Оны 1,5 сағаттан кейін қайта іске қосқан. Бірақ желі суының айналуында қиындықтар бар. Суықтың салдарынан су мың тоннаға артқан. Бұл қала тұрғындарының батареяларындағы температураның төмендеуіне әсер етті, олар әлеуметтік желілерде шағымданып жатыр.

Қазір станция жөндеу бригадаларының санын көбейтті. Жеті қазандық пен алты турбоагрегат жұмыс істеп тұр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!