Өткен тәулікте Қазақстанда 111 өрт болған

Өткен тәулікте Қазақстанда 111 өрт болған, - деп хабарлайды Tengrinews.kz тілшісі ТЖМ баспасөз қызметіне сілтеме жасап.

Өткен тәулікте Қазақстан бойынша ТЖМ қызметкерлеріне 221 қоңырау түскен. Оның 111-і өрт пен жану оқиғаларына, 109-і іздестіру, авариялық-құтқару және басқа да қоңыраулар.

Бұл ретте 54 адам, құтқарылып және эвакуацияланды.

"ТЖМ азаматтарды өрт қауіпсіздік шараларын сақтап, дауыл туралы ескертулерді, ауа-райының өзгеруін, жолдардың жабылуы туралы хабарламаларды бақылап, алыс сапарларға шықпауға шақырады.

Ауылдық жерлерде тұратын тұрғындарға ауа райы нашарлаған жағдайда алыс қашықтыққа жаяу жүруден бас тартуды ұсынамыз. Абай болыңыз! Біз үшін әрбір өмір маңызды!", - делінген хабарламада.

Еске салайық, бұған дейін Маңғыстауда 1 қаңтарға қараған түні бір ересек адам мен екі бала петардадан зардап шеккені хабарланған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!