Өзбекстан президенті Мирзиёев Астанаға келді

Өзбекстан президенті Шавкат Мирзиёев Қазақстанға келді, - деп хабарлайды Tengrinews.kz тілшісі Үкіметтің баспасөз қызметіне сілтеме жасап.

Шавкат Мирзиёев өңір елдері басшыларының қатысуымен 17 маусымда өтетін "Орталық Азия – Қытай" саммитіне қатысу үшін Астанаға ұшып келді.

Бұған дейін Астанаға Қырғызстан президенті Садыр Жапаров, Түрікменстан президенті Сердар Бердімұхамедов ұшып келген болатын.

Еске салайық, 16 маусымда Президент Қасым Жомарт Тоқаев Ақорда резиденциясында Қытай Халық Республикасының төрағасы Си Цзиньпинді қарсы алды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!