Парламент Конституцияға ұсынылған өзгерістерді бірінші оқылымда мақұлдады

Парламенттің қос палатасы "Қазақстан Республикасының Конституциясына өзгерістер мен толықтырулар енгізу" туралы ҚР Заңы жобасын бірінші оқылымда мақұлдады, - деп хабарлайды Tengrinews.kz тілшісі.

Қазақстан Парламентінің біріккен отырысындағы дауыс беру қорытындысы бойынша парламент депутаттарының басым даусымен "Қазақстан Республикасының Конституциясына өзгерістер мен толықтырулар енгізу" туралы ҚР Заңы жобасын бірінші оқылымда мақұлданды.

"Енді бізге заң жобасы екінші оқылымға дайындау үшін біріккен комиссия керек. (...) Парламент палаталарының комиссиясы екінші оқылымға дейін барлық конституциялық түзетужі жан-жақты қарастырады. 4 наурызда, яғни ертең парламент палаталарының барлық тұрақты комитеті өз отырыстарын өткізуі тиіс, онда бүгін депутаттардың сөйлеген сөзіндегі ұсыныстар мен ескертулерді талқылап, өз қорытындысын біріккен комиссияға енгізуі қажет", - деп хабарлады Мәжіліс спикері Нұрлан Нығматулин.

Мәжіліс төрағасының ұсынысы бойынша 4 наурызда заң жобасы саяси партиялар фракцияларында талқыланады.