Парламентте санкция туралы сөз қозғалғаннан кейін Ұлыбритания елшісі ҚР СІМ-ге шақырылды

Ұлыбританияның Қазақстандағы елшісі Ұлыбритания Парламентінде айтылған мәлімдемесі үшін Сыртқы істер министрлігіне шақырылды. Бұл туралы Қазақстанның сыртқы істер министрінің бірінші орынбасары Шахрат Нұрышев айтты, - деп хабарлайды Tengrinews.kz тілшісі.

"Бұл Парламентте жасаған бір депутаттың мәлімдемесі болды. Ұлыбританияның Қазақстандағы елшісі жағдайды түсіндіру үшін ҚР СІМ-ге шақырылды. Одан түсініктеме күтеміз", - деді Нұрышев Мәжілістегі журналистердің сұрақтарына жауап беріп.

"Сыртқы істер министрлігі өткізетін іс-шараларды қадағаласаңыз, министр шетелге белсенді түрде шығатынын байқайсыздар. Түрлі алаңдарда - БҰҰ-да, адам құқықтары жөніндегі кеңесте сөз сөйлейді. Еліміздің жағдайы туралы толық ақпарат беріп отырғанымызды көріп отырсыздар", - деді ол.

1 наурызда Ұлыбритания парламентінің мүшесі Маргарет Ходж Ұлыбритания СІМ басшысынан "Путинді қолдайтын" Қазақстан мен Әзербайжанға қарсы санкциялар қарастырылып жатыр ма деп сұрады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!