Павлодар облысында жантүршігерлік жол апатынан Lexus жүргізушісі қаза тапты

Павлодар облысында Lexus көлігінің жүргізушісі жолдан шығып кетіп, оқиға орнында қаза тапты, - деп хабарлайды Tengrinews.kz тілшісі.

Павлодар облысы Полиция департаменті мәліметінше, жол-көлік оқиғасы 16 қазанға қараған түні Баянауыл ауданында болған.

"Алдын ала деректер бойынша, Lexus RX 330 жүргізушісі рульге ие бола алмай, Қалқаман – Керней тасжолы бойында, Бірлік ауылының маңында жол жиегіне шығып кеткен", – деп хабарлады полиция.

Қайғылы оқиғаның мән-жайы мен себептері анықталып жатыр. Жол-көлік оқиғасы бойынша қылмыстық іс қозғалды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!