Павлодар облысының тұрғыны ағасынан соққы көрген соң сотқа жүгінді

Павлодар облысы Май ауданындағы ауыл тұрғыны ағасынан соққы көргеннен кейін оны сотқа берді, - деп хабарлайды Pavlodarnews.kz.

Әкімшілік іс денсаулыққа қасақана ауырлығы жеңіл зиян келтіру дерегі бойынша қаралды. Іс материалдарына сәйкес, ағайындылар бір үйде тұрады, биыл 21 қаңтарда екеуі жанжалдасқан. Ағайындылардың бірі екіншісіне былапыт сөздер айтып, кейін оны соққыға жыққан. Жәбірленуші полиция шақырып, ұрып-соққан жерлерін көрсеткен. Сотта ағасы кінәсін толық мойындап, өкінетінін айтқан.

"Жанжалды бейбіт жолмен шешу үшін бітімгер-судья ағайынды екеумен де сөйлесті, содан кейін жәбірленуші ағасын кешіріп, істі тоқтатуды сұрады. Тараптар сотқа медиация тәртібімен татуласқанын жариялады", - деді Май аудандық сотының баспасөз қызметіндегілер.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!