Павлодар облыстық әкімдігі қызметтік көліктер санын қысқартты

Павлодар облыстық әкімдігі қызметтік көліктер санын қысқартуға кірісті деп хабарлайды Tengrinews.kz тілшісі облыс әкіміне сілтеме жасап. Осылайша облыс әкімдігі 62,8 млн. теңгені үнемдеп отыр. Мұндай жаңалықты облыс әкімі Қанат Бозымбаев аймақта өткен жалпы жиында мәлімдеді. Бүгінде облыстық экономика және бюджетті жоспарлау департаментінің дерегінше, қызметтік көліктер санын шектеу арқылы 62 млн. 800 мың теңге үнем болатыны анықталған. Ал артылған қаржы өңірдегі мүгедек және әлеуметтік жағынан аз қамтылған отбасыларға көмек беру үшін жаратылатын болды.