Павлодар облысы бойынша ҰҚК департаментінің басшысы ауысты

Павлодар облысы бойынша Ұлттық қауіпсіздік комитеті департаментінің (ҰҚКД) басшылығы ауысты, - деп хабарлайды Tengrinews.kz тілшісі. 

Бұл қызметке Нұрғанат Манжуов тағайындалды. Бұған дейін ол Алматы облысы бойынша ҰҚКД басшысының бірінші орынбасары болған. Аймақтық ҰҚКД-ның мәліметі бойынша, бүгін, 17 сәуірде Манжуов қызметіне ресми түрде кірісті. 

Мұның алдында осы қызметте Нұржан Нұрсипатов болған. Нұрсипатов басқа қызметке тағайындалды, алайда әзірше қандай қызмет екені белгісіз. Павлодар облысы бойынша Ұлттық қауіпсіздік комитеті департаментінің мәліметі бойынша, ол ҚР ҰҚК-нің резервіне ауысытырылған.