+7 (777) 001 44 99
Қазақша
Русский
English
30 наурыз 2020 | 15:56
Павлодарда Денсаулық сақтау басқармасының экс-басшысына сот үкімі шықты
Павлодар облысының Денсаулық сақтау басқармасының экс-басшысына қатысты сот үкімі шықты, - деп хабарлайды Tengrinews.kz тілшісі.
ПОДЕЛИТЬСЯ
Павлодар облысының Денсаулық сақтау басқармасының экс-басшысына қатысты сот үкімі шықты, - деп хабарлайды Tengrinews.kz тілшісі.
Павлодар қаласының №2 соты Ораз Мукашевты ҚР Қылмыстық кодексінің 366-бабының, 2-бөлігі бойынша кінәлі деп танып, үш жылға бас бостандығынан айыру жазасы тағайындады.
Ол жазасын төменгі қауіпсіздік деңгейіндегі қылмыстық атқару жүйесінде өтейді. Сот мәліметінше, Мукашев жаза мерзімінің жартысын тергеу изоляторында өтеген. Сондықтан ол мерзімінен бұрын босату туралы өтініш бере алады.
Бұған дейін, прокурор Мукашевқа алты жыл бас бостандығынан айыруды ең төменгі қауіпсіздік колониясында өтеуді сұраған. Айта кетейік, сот процесі кезінде Павлодар облысының Денсаулық сақтау басшысына бірден төрт айып тағылды. Осы уақыт аралығында ол тергеу изоляторында болған, биыл 5 наурызда Мукашев инсульт алған. Сотталушы аймақтық кардиоорталыққа жеткізіліп, оған шұғыл түрде операция жасалды.
Бастапқыда Мукашев алаяқтық жасағаны үшін ісі сотқа жіберілді. Апелляциялық сот қаулысы бойынша, сотталушы ірі көлемде пара алғаны үшін айыпталды.
Іс материалдары бойынша, облыстық денсаулық сақтау басқармасының басшысы тегін медициналық көмектің кепілдік берілген көлемі шеңберінде профилактикалық препараттарды сатып алу бойынша тендерде жеңіске жеткендері үшін жеке компаниядан сыйақы талап еткен. Бұрынғы шенеунік өз қызметтерін жасалған шарттардың 10 пайызына бағалап, үш миллион теңгеге бағалаған. Сот барысында осы іс бойынша куәгер болған компания өкілінің Мукашевқа пара бергені анықталды.
Еске салайық, Сыбайлас жемқорлыққа қарсы қызмет қызметкерлері Ораз Мукашевты өткен жылдың маусымында ұстады. Павлодар облысының бас дәрігері 3 миллион теңге алған кезде ұсталды. Жедел уәкіл органдары қаражатты оның көлігінен тапқан. Ол былтыр 6 маусымда қамауға алынды.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
