Павлодарда экстремал жасөспірімдер шолу дөңгелегіне шығып кетті

Павлодарда экстремал жасөспірімдер шолу дөңгелегіне шығып кетті, - деп хабарлайды Тengrinews.kz тілшісі. 

Балалардың бұл ермегін куәгерлер видеоға түсіріп алған. Instagram желісінде жарияланған видеода әткеншектің төбесіне төрт жасөспірімнің шығып алғанын көруге болады. Сонымен қатар, жасөспірімдердің бірі, төбесіне шығып екі қолымен темірден ұстап, асылып, ауада шайқалып келесі темірге секіреді. Тағы екі оқушы айналмалы дөңгелектің ортасына дейін өрмелеп шыққан.