+7 (777) 001 44 99
Қазақша
Русский
English
11 қыркүйек 2023 | 18:12
Павлодарда жасөспірім аяусыз соққыға жығылған: ата-аналар мәлімдеме жасады
Павлодарда оқушылардың ата-аналары 13 жастағы жасөспірімді аяусыз ұрып-соққан кінәлілерді жазалауды талап етіп отыр. Сондай-ақ, олар осы жайтқа қатысы барларды арнайы мектепке ауыстыруды сұрайды, - деп хабарлайды Tengrinews.kz тілшісі.
ПОДЕЛИТЬСЯ
Павлодарда оқушылардың ата-аналары 13 жастағы жасөспірімді аяусыз ұрып-соққан кінәлілерді жазалауды талап етіп отыр. Сондай-ақ, олар осы жайтқа қатысы барларды арнайы мектепке ауыстыруды сұрайды, - деп хабарлайды Tengrinews.kz тілшісі.
Павлодарлық ата-аналар биыл шілдеде бір топ кәмелетке толмаған бала 13 жастағы баланы бірнеше сағат бойы ұрып, мазақ еткен жерге келді.
"Оқиғаға қатысушылардың барлығын жазалау керек. Барлығы 12 адам, барлығы кінәлі. Біреуі түсірді, екіншісі ұрды, үшіншісі қол шапалақтап, бәрін жасай берді. Балалар бір адамды қолдады. Бұл бес минуттық төбелес емес, үш сағаттық қорқыту болды, енді олар куәгер секілді өтіп жатыр. Қалай үш сағат бойы жай ғана бақылап, түкіріп, шешіндіруге болады? Елестетіп көріңізші, баланың үстінде секіріп жатыр, 12 адамның ешқайсында мейірім жоқ па? Онда қыздар да болды ғой", - деді ата-аналар.
Олар осы оқиғаға қатысушылардың ата-аналары да жазалануы керек екенін айтты.
"Егер ата-аналары тәрбиемен айналыспаса, балаларды арнайы мекемелерге берсін. Балаларымыз үшін қорқамыз және оларды осы жасөспірімдердің әсерінен қорғауды сұраймыз", - деді оқушылардың аналары.
Павлодарлықтар оқиғаға қатысушыларды арнайы мектепке немесе тұрақты қашықтан оқытуға ауыстыруды талап ететін петиция дайындаған. Үндеуге 2,5 мыңға жуық адам қол қойды. Алайда мұғалімдер ата-аналардың ұстанымымен келіспейді.
"Олар әлі де балалар ғой, қоғамнан алыстатудың қажеті жоқ. Балалар қателесуге құқылы. Иә, олар теріс қылық жасады. Бірақ оларды алшақтау арқылы біз теріс әрекет жасаймыз ғой", - дейді павлодарлық педагог Ботагөз Нұрмағамбетова.
Павлодар облысының адам құқықтары жөніндегі уәкілі Наталья Покидова балаларды мектептен шығарып жіберуге болмайтынын айтады.
"Мектептен шығарып жіберуге немесе оларды ауыстыруға құқығымыз жоқ. Себебі олар - балалар. Тергеу әлі аяқталған жоқ, мерзімінен бұрын қорытынды жасауға болмайды. Тергеу әр қатысушының кінәсінің анықтайды. Сот шешімінен кейін ғана қандай да бір шара қолдана аламыз. Үй қамақта отырған екі айыпталушы ата-аналарының өтініші бойынша қашықтан оқытуға ауыстырылды - бір оқушы, екіншісі биыл колледжге түсті", - деді Покидова.
Оның айтуынша, тағы үш жасөспірім куәгер, олар әдеттегідей оқиды.
Айта кетейік, жақында Павлодарда облыстық ата-аналар форумы өтті, онда өңір педагогтары мектеп инспекторларын оқу орындарына қайтаруды ұсынды.
Еске салайық, Павлодарда жасөспірімдер 13 жастағы оқушыны аяусыз ұрып-соққан оқиға бойынша тергеу жалғасып жатыр. Оқушылар не болып жатқанын видеоға түсірген, ол кейінірек әлеуметтік желіде тарады.
Бұған дейін істі тергеу Оқу-ағарту министрлігі Балалардың құқығын қорғау комитеті мен балалар омбудсменінің бақылауында екені айтылған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
