+7 (777) 001 44 99
Қазақша
Русский
English
17 сәуір 2022 | 14:55
Павлодардағы түрмеде тыйым салынған аймаққа өткен сотталушы ұсталды
Павлодардың қатаң режимдегі колониясының тыйым салынған аймағына өткен сотталушы ұсталды. Тұтқынды қарауылдың ескерту оғы тоқтатқан, - деп хабарлайды Tengrinews.kz тілшісі.
ПОДЕЛИТЬСЯ
Павлодардың қатаң режимдегі колониясының тыйым салынған аймағына өткен сотталушы ұсталды. Тұтқынды қарауылдың ескерту оғы тоқтатқан, - деп хабарлайды Tengrinews.kz тілшісі.
Оқиға 16 сәуір күні сағат 12:30 шамасында болған.
"Павлодар қаласының АП-162/4 мекемесіндегі учаскелердің бірінде тыйым салынған аймаққа сотталушы өткен. Мұны байқаған күзетші ескерту жасап айқайлап, дабыл түймесін басқан. Содан кейін сарбаз төтенше жағдайды қарауыл басшысына хабарлап, жоғарыға қаратып ескерту оғын атқан", - деді ҚР Ұлттық ұлан "Шығыс" өңірлік қолбасшылығының баспасөз қызметінің жетекшісі Бағдат Амангелді.
Оның айтуынша, сотталушыны кезекшілік қызметі ішкі шектеулі аймақта ұстаған.
"Ішкі тыйым салынған аймақта сотталушыны кезекші қызмет ұстады. Мән-жайды анықтау үшін уәкілетті органдар жедел-тергеу іс-шараларын жүргізеді. Сондай-ақ облыстық ҚАЖ департаменті мен 6679 әскери бөлімінің командирімен бірлесіп қызметтік тексеру жүргізіліп жатыр", - деді ҚР Ұлттық ұлан "Шығыс" өңірлік қолбасшылығының баспасөз қызметінің жетекшісі Бағдат Амангелді.
6679 әскери бөлімінің сарбазы қырағы қызметі үшін "Шығыс" өңірлік қолбасшылығы тарапынан марапатталатын болады.
Айта кету керек, АП-162/4 - барынша қауіпсіздікті қамтамасыз ететін мекеме. Бұл колонияда ауыр және аса ауыр қылмыстар, сондай-ақ қылмыстардың қайталануы үшін сотталғандар бар.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
