Петропавлдағы блокбекеттер алынады

Петропавлда шектеу шаралары жеңілдетілді. Бұл туралы аймақ басшысы Құмар Ақсақалов брифингте мәлімдеді, - деп хабарлайды Tengrinews.kz тілшісі.

14 желтоқсан сағат 00.00-ден бастап Петропавлда карантин режимі жеңілдетіледі. 

"Демалыс күндері Петропавлда қоғамдық көлік жұмыс істейді. Облыс ішіндегі автобус қатынасы жанданады. Кітапханалар, мұражайлар мен театрлар қайта ашылады. Діни нысандар жұмыс істей алады", - дейді СҚО әкімі.

500 шаршы метрден асатын сауда-ойын-сауық орталықтары мен азық-түлік емес дүкендер тек жексенбіде жұмысын тоқтатады. Бұрын олар демалыс күндері жұмыс істемеген еді.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!