Полицейлер із-түзсіз жоғалған 23 жастағы Петропавл тұрғынын тапты

Солтүстік Қазақстан облысының полицейлері із-түзсіз жоғалған 23 жастағы Петропавл тұрғынын тапты, - деп хабарлайды Tengrinews.kz тілшісі.

Бұған дейін әлеуметтік желілерде Мамлютка ауданы орталығының із-түзсіз жоғалып кеткен 23 жастағы тұрғыны Алена Пяткова туралы хабар тараған. Қыздың туыстары оны өз бетімен іздеп көрген. 16 қаңтарда олар аудандық ішкі істер бөліміне арызданған.

"Қазіргі таңда Петропавл қаласының полицейлері із-түзсіз жоғалған азаматшаның мекенжайын анықтады. Одан жауап алынып, бұл туралы арызданушыларға хабарланды. Қалған мән-жайлар қазір анықталып жатыр", - делінген хабарламада.

Сілтемесіз жаңалық оқисыз ба? Онда Telegram желісінде парақшамызға тіркеліңіз!