Полиция Алматы тұрғындарына пәтерлерді аралау туралы ескертті

Алматы қаласында 17-25 сәуірде тіркелген атыс қаруын қолданумен байланысты қылмыстардың алдын алуға және жолын кесуге, сондай-ақ қару иелері арасында құқық бұзушылықтың алдын алуға бағытталған "Мерген" жедел-профилактикалық іс-шарасы өтеді, - деп хабарлайды Tengrinews.kz тілшісі.

Алматы полициясы барлық қару иелерін өздерінің құқықтық мәртебесіне жауапкершілікпен қарауға және басқалардың қауіпсіздігін қамтамасыз етуге шақырады.

"Азаматтық қару - бұл асқан қауіптің көзі болып табылады. Сондықтан оның иелері Заң талаптарын қатаң сақтауы өте маңызды: рұқсаттарды уақытылы жаңартып, сақтау және тасымалдау ережелерін сақтауы маңызды", - деп хабарлады, Алматы қалалық ПД Әкімшілік полиция басқармасының бастығы Асхат Құлбаев.

Осы күндері біздің қызметкерлер қаруды сақтау жағдайларын тексеріп, профилактикалық тексерулер жүргізіп, сондай-ақ тұрғындарға түсіндіру жұмыстары жүргізіледі. Мұндай іс-шаралар тәуекелдерді азайтуға және қоғамдағы заңдылық пен тәртіпті нығайтуға баса назар аудара отырып, жүйелі түрде өткізілетін болады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!