Полиция БҚО-ға ұшқышсыз ұшу аппаратының құлауына қатысты пікір білдірді

Батыс Қазақстан облысының Полиция департаменті Тасқала ауданында ұшқышсыз ұшатын аппарат құлауына қатысты пікір білдірді, - деп хабарлайды Tengrinews.kz тілшісі.

Ведомство мәліметінше, уәкілетті органдармен бірлесіп, ұшқышсыз ұшу аппаратына ұқсас затты табу дерегі бойынша тексеріс жүргізіп жатыр.

"Нысан шалғай жерде, елді мекендерден алыс жерде құлады және ешқандай зақым келмеген, тұтас күйде табылды. Оқиғаның барлық мән-жайы анықталып жатыр", - деді БҚО ПД өкілі.

18 наурызда Батыс Қазақстан облысы Тасқала ауданының тұрғындары ұзындығы үш метрге жуық белгісіз аппарат құлағанын хабарлады. Оқиға орнына полиция, аудандық әкімдік және ТЖ қызметкерлері жетті.

Бұл - ұшқышсыз ұшатын аппарат БҚО аумағындағы шекараны кесіп өткен екінші жағдай.

Сілтемесіз жаңалық оқисыз ба? Онда Telegram желісінде парақшамызға тіркеліңіз!