Полиция қар түскен тасжолда жалғыз қалған баланың видеосына қатысты пікір білдірді

Полицейлер қар түскен тасжолда жалғыз қалған баланың видеосына қатысты пікір білдірді, - деп хабарлайды Tengrinews.kz тілшісі.

Алматы облыстық полиция департаментінің мәліметінше, қызметкерлер қазір оқиғаның мән-жайын анықтап жатыр.

"Полиция департаменті әлеуметтік желілерде табылған бала туралы хабарға жауап беру аясында істің мән-жайын анықтап, ата-анасының әрекеттеріне құқықтық баға береді. Тексерудің аралық нәтижелері туралы біз кейінірек хабарлаймыз",- деді полициядағылар. 

Еске салайық, мұның алдында Қазақстанда қар түскен тасжолда жалғыз қалған баланың видеосы тараған еді. Mazda көлігінің жүргізушісі шамамен Алматы облысы Жамбыл ауданында тасжолда тұрған белгісіз баланы тауып алған болатын.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!