Президент 8 наурыз мерекесімен құттықтады

Президент Қасым-Жомарт Тоқаев әйелдер қауымын халықаралық мерекемен құттықтады, - деп хабарлайды Tengrinews.kz тілшісі БОРТ N1 Telegram-арнасына сілтеме жасап. 

Қасым-Жомарт Тоқаев құттықтауында Қазақстанда әйелдерге барлық жағдай жасалғанын және қыз-келіншектердің қоғамдық-саяси өмірге де белсене атсалысып жүргенін атап өтті.

"Сондай-ақ, өскелең ұрпаққа өнегелі тәлім-тәрбие беру ісіндегі әйелдердің айрықша рөліне тоқталып, асыл аналардың еңбегі қандай құрметке де лайық екенін айтты", - делінген хабарламада. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!