Президент Әкімшілігінде Данияр Ақышевтың орнына жаңа қызметкер тағайындалды

Қазақстан Республикасы Президенті Әкімшілігінің әлеуметтік-экономикалық мониторинг бөлімінің меңгерушісі тағайындалды, - деп хабарлайды Tengrinews.kz тілшісі Ақордаға сілтеме жасап.

"Мемлекет Басшысының Өкімімен Ерұлан Кенжебекұлы Жамаубаев Қазақстан Республикасы Президенті Әкімшілігінің әлеуметтік-экономикалық мониторинг бөлімінің меңгерушісі қызметіне тағайындалды", - деп жазылған баспасөз хабарламасында.

Бұған дейін бұл қызметті Данияр Ақышев атқарды, 2 қарашада ол ҚР Ұлттық банкінің төрағасы қызметіне тағайындалды.