Президент орта мектептерде қай пәндер күшейтілуі керегін айтты

Мемлекет басшысы Қасым-Жомарт Тоқаев жоғары сыныптарда қай пәндер күшейтілуі керегін айтты, - деп хабарлайды Tengrinews.kz тілшісі.

"Педагогикалық жоғары оқу орындарын аккредиттеудің жаңа стандартын қабылдап, мұғалімдердің құзыреттілік шеңберін әзірлеу қажет. Жаһандық ғылыми-техникалық прогресті ескере отырып, орта мектепте жаратылыстану-математика пәндерін және ағылшын тілін оқытуды күшейту маңызды", - деді ол.

Сондай-ақ, Мемлекет басшысы әділетті Қазақстанды құруда мектеп мұғалімдері шешуші рөл атқаратынына сенімді екенін айтты.

"Кейінгі жылдары бұл мамандықтың тартымдылығын арттыру мақсатында мемлекет тарапынан ауқымды жұмыстар атқарылып жатыр. Дегенмен, бұл бағытта әлі де оң өзгерістер қажет", - деді Мемлекет басшысы.

Сілтемесіз жаңалық оқисыз ба? Онда Telegram желісінде парақшамызға тіркеліңіз!