Президент Қанат Бозымбаевты қабылдады

Қазақстан Президенті Қасым-Жомарт Тоқаев энергетика министрі Қанат Бозымбаевты қабылдады, - деп хабарлайды Tengrinews.kz тілшісі Ақорда сайтына сілтеме жасап.

Қазақстан Президентіне ОПЕК кездесуінің қорытындылары және Мұнай өндірісін шектеу туралы келісімге қол қойған ұйымға кірмейтін мұнай өндіруші елдер жөнінде мәлімет берілді.

Мемлекет басшысына Қазақстанның Мұнай өндіруші елдердің ынтымақтастық хартиясына алдын ала қол қойғаны және мұнай өндіруші елдердегі жағдай, Теңіз кең орнындағы қазіргі ахуал, шетелдік компаниялармен жұмыс жөнінде баяндалды.