Президент қазақстандық жастарға бата берді

Нұрсұлтан Назарбаев "Нұр Отан" партиясы жақтастарының форумында қазақстандық жастарға бата берді, - деп хабарлайды Tengrinews.kz тілшісі.

Назарбаев өз батасында бірлікті, халықтың ынтымағын сақтап қалуды тіледі. "Сол кезде біз мықты боламыз, бар қиындықты еңсереміз. Еліміздің гүлденуі үшін. Біз барлығын сіздер үшін істейміз, жас қазақстандықтар", - деді Назарбаев.

Ол бұл батаны Наурыз қарсаңында, өскелең ұрпаққа беретінін айтты.

Сонымен қатар, Назарбаев өткен сайлауды қорытындылап, қазақстандықтарға олардың қолдауы мен бірлігі үшін алғыс айтты.