Президент қазақстандықтарды Еңбек күнімен құттықтады

ҚР Президенті Қасым-Жомарт Тоқаев Twitter желісіндегі парақшасында қазақстандықтарды "Еңбек күнімен құттықтады, - деп хабарлайды Тengrinews.kz тілшісі. 

"Еңбек күні құтты болсын, отандастар! Біз Қазақстанның даму жолында күш-жігерін жұмсап, жетістікке жеткен барша еңбек адамдарына лайықты құрмет көрсетеміз. Әсіресе, ардагерлерімізге айырықша алғыс айтамыз. Еңбек - бәрін жеңбек. Әрбір еңбек бағалы! Біз еңбекқор ұлт болуымыз керек!", - деп жазды Мемлекет басшысы.