Президент Тоқаев жазушы Смағұл Елубайды қабылдады

Қазақстан Президенті жазушы Смағұл Елубайды қабылдады, - деп хабарлайды Tengrinews.kz тілшісі Ақордаға сілтеме жасап. 

Кездесу барысында қаламгердің шығармашылығы туралы сөз болды. Сондай-ақ, қазақ әдебиеті мен ұлттық киноның қазіргі жай-күйі талқыланды.

Смағұл Елубай өзінің "Ақ боз үй" романының желісімен түсірілген фильм жөнінде баяндады. Картинаға өткен ғасырдағы қазақ даласында болған аштық арқау болған.

Кездесу соңында Мемлекет басшысы Қасым-Жомарт Тоқаев жазушының шығармашылығына табыс тіледі. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!