Президент Тоқаев қазақстандықтарға үндеу жасайды

Президент Қасым-Жомарт Тоқаев наурыз айының ортасында Қазақстан халқына үндеу жасайды. Бұл туралы Мемлекет басшысының баспасөз хатшысы Берік Уәли мәлімдеді, - деп хабарлайды Tengrinews.kz тілшісі.

Берік Уәли Мемлекет басшысы 11 қаңтарда Мәжіліс отырысында азаматтық қоғаммен және сарапшылармен арадағы диалог негізінде әзірленетін саяси реформалардың жаңа пакетін дайындайтынын мәлімдегенін еске салды.

"Осыған байланысты Мемлекет басшысы наурыз айының ортасында халыққа Үндеу жариялауды жоспарлап отыр. Бұл үндеуде реформалардың негізгі бағыттары мен қоғамды саяси трансформациялауға бағытталған аса маңызды шаралар айқындалады", - деп жазды Берік Уәли Facebook-те.

Сілтемесіз жаңалық оқисыз ба? Онда Telegram желісінде парақшамызға тіркеліңіз!