Президент Тоқаев Санкт-Петербургке жұмыс сапарымен барды

Президент Қасым-Жомарт Тоқаев Санкт-Петербургке жұмыс сапарымен барды. Бұл туралы Facebook-парақшасында Мемлекет басшысының баспасөз хатшысы жазды, - деп хабарлайды Tengrinews.kz тілшісі.

Оның айтуынша, Президент Санкт-Петербургке Тәуелсіз Мемлекеттер Достастығына мүше мемлекет басшыларының дәстүрлі бейресми кездесуіне қатысу үшін барған.

"Кездесу барысында ТМД-ға мүше мемлекеттердің басшылары Достастық аясында атқарылған бірлескен жұмыстардың қорытындыларын, көпжақты ықпалдастықты дамытудың және Ұйым қызметінің тиімділігін арттырудың перспективаларын талқылайды. Сондай-ақ халықаралық және аймақтық күн тәртібіндегі өзекті мәселелерді қарастыру жоспарланып отыр", - деп жазды Берік Уәли.

Сурет: Facebook\Берік Уәли

Бұған дейін Петербургке Нұрсұлтан Назарбаев барғаны хабарланған еді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!