Президент жарлығымен Алматы қаласының шекарасы кеңейтілді

ҚР Президенті Нұрсұлтан Назарбаев Алматы қаласының шекарасын өзгерту туралы жарлыққа қол қойды, - деп хабарлайды Тengrinews.kz Ақорданың баспасөз қызметіне сілтеме жасап. 

"Қазақстан Республикасының әкімшілік-аумақтық құрылысы туралы" 1993 жылғы 8 желтоқсандағы Қазақстан Республикасы Заңының 9-бабына сәйкес Алматы қаласының шекарасы өзгеріп, қала аумағына облыстың біраз жерлері кіргізеледі" - делінген жарлықта. 

Алматы қаласының шекарасы жалпы аумағы 23200 гектар жерге кеңімек. Алматы облысына қарасты, Іле ауданынан 604,6 гектар, Қарасай ауданынан 16069,7 гектар және Талғар ауданынан 6525,7 гектар жер қалаға беріледі.