Президенттікке кандидаттар емтиханы жалғасып жатыр - ОСК

Орталық сайлау комиссиясы президенттікке кандидаттар үшін қазақ тілін білу емтиханы жалғасып жатқанын мәлімдеді, - деп хабарлайды Tengrinews.kz тілшісі.

"Емтихандар жоспар бойынша жүріп жатыр. Сондай-ақ, кейбір үміткерлер қазақ тілін білуге ​​емтихан тапсырып үлгерді. Болашақта әрбір кандидатпен өткен кездесу туралы жариялайтын боламыз және кездесулер сіздердің қатысуларыңызбен өтеді. Кездесуде барлығын егжей-тегжейлі баяндаймыз", - деді Орталық сайлау комиссиясының мүшесі Мұхтар Ерман.

ОСК 11 қазан сағат 18:00-де президенттікке кандидаттардың құжаттарын қабылдау аяқталғанын айтты.

Президенттік сайлауға қатысуға 12 кандидаттан өтініш қабылданғаны хабарланды. Алдағы күндері үміткерлердің сәйкестігі анықталады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!